Во Музејот на современата уметност синоќа, во присуство на многубројни гости и љубители на уметноста, свечено беше отворена изложбата „Подарени дела од Чехословачка“ од колекцијата на Музејот на современата уметност, а на отворањето на изложбата, како што наведуваат од Министерството за култура, која се реализира по повод 100-годишнината од формирањето на Чехословачка, пред присутните, меѓу кои беа и амбасадорите на Република Чешка и на Република Словачка во Република Македонија, Мирослав Томан и Хенрик Маркуш, се обрати и министерот за култура, Асаф Адеми.
Врвни уметнички дела на познати автори од некогашната Чехословачка, врзани за последните децении на минатиот век и тогашните социополитички промени во Европа, години што влијаеа врз уметноста и културата генерално, од завчеравечер можат да се видат во Музејот на современа уметност во Скопје. Пред јавноста до 10 февруари 2019 ќе можат да се видат 65 дела (слики, графики, скулптури и цртежи), дел од колекцијата на МСУ која денеска содржи 265 дела од 92 автори од Чехословачка.
-Овие уметнички дела припаѓаат на широк спектар уметнички правци импреионизам, надреализам, кубизам, анформел…. Повеќето автори своите дела веќе ги прикажале на најпознатите изложби во Париз, Венеција…”, вели Томан.
Амбасадорот на Словачка Маркуш, пак, посочи дека сите донации на оваа изложба се направени по катастрофалниот земјотрес во Скопје, како знак на солидарност, добра воља и поддршка за изградбата и довербата во иднина. Иницијатива како што истакна, дојде во октомври 1963 на која се одзваа уметниците кои организираа акција за собирање на дела преку својата унија и директорот на националната галерија во Прага.
На отварањето на изложбата во МСУ амбасадорот на Чешка Мирослав Томан им ги додели признанијата на учесниците на 46. меѓународна детска изложба “Лидице 2018” од Скопје. Медал беше доделен на Тануровски Давид, а дипломи на Стојановски Димитар, Тргачевска Сара, Колич Шејла и Петковски Јован. Изложбата се организира во градот кој во втората светска војна беше срамнет со земја, заедно со училиштето.
Во чест на децата од тоа училиште секоја година се организира ликовен конкурс на кој своите дела можат да ги испратат децата од целиот свет. Годинава учествуваа 28 земји.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
