Во Романија денеска почна дводневниот референдум за уставните амандмани кои би ја отежнале легализацијата на истополовите бракови. Референдумот го иницираше конзервативна група, а го поддржа Романската православна црква.
Според предложениот амандман, во Уставот дефиницијата за семејство би била ревидирана во „заедница меѓу маж и жена“, наместо „заедница меѓу сопружници“.
Противниците на предложениот амандман наведуваат дека новата формулација во Уставот претставува злонамерен обид на припадниците на ЛГБТ заедницата да им се создаде чувство дека се граѓани од втор ред.
Тие предупредуваат дека тоа би можело да ги маргинализира и домаќинствата кои ги водат самохрани родители или невенчани двојки кои имаат деца.
За референдумот да биде валиден, потребно е на него да гласаат 30 отсто од запишаните гласачи.
извор: макфакс
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
