Крива Паланка во рамките на манифестацијата „Град на културата 2013“ организира бројни промоции, изложби и театарски претстави. Вечерва во Домот на културата во овој град ќе биде претставена хаику поезијата на Васко Марковски.
Промоцијата на книгата поезија „Корпоративно утро“ од Васко Марковски е во рамките на манифестацијата „Крива Паланка – град на културата – 2013“. Мултимедијален настап на Васко Марковски (стихови и фотографии) и Круме Стефановски (промотор, гласовна интерпретација и удиралки). За посетителите има 20 примероци од „Корпоративно утро“.
– Доколку има трошка вистина во мудроста дека денот се познава по утрото, тогаш ракописот „Корпоративно утро“ ветува прекрасни творечки денови на Васко Марковски – од рецензијата на проф. д-р Владимир Мартиновски.
Ова е само загревање, а главната промоција ќе биде во септември, во Скопје и во Гевгелија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
