Лауреатот на „Златен венец“ на СВП Адам Загајевски засади дрво во Паркот на поезијата во Струга (видео) (галерија)

Полскиот поет Адам Загајевски е годинешен лауреат на високото поетско признание „Златен венец“ на Струшките вечери на поезијата.

Тој веќе е пристигнат во Струга каде вечерва свечено ќ биде отворено 57. издание на поетскиот фестивал, а традиционалното садење дрво се случи утринава во паркот на поезијата.

Подоцна ќе се одржи прес-конференција со лауреатот, кој по повод добиената награда рече:

-Поетите се комплицирани луѓе, но не е точно дека исто така немаат сосема обични, човечки емоции. Затоа нема да кријам: оваа награда претставува огромна чест за мене.

Во писмото испратено до СВП, лауреатот им се заблагодарува на поетите од Македонија и се радува оти и тој ќе фигурура помеѓу поетите на кои им се воодушевува, на кои поетите , како што вели тој, не им е достоен.

„За среќа никој сам не си доделува награди и мораме да им веруваме на тие кои пишуваат до нас добри зборови.

Никогаш досега не сум бил во Струга – но не треба да се биде таму физички, за да се знае легендата за тој фестивал и таа награда, за да се знае колку посебна е листата на одликувани поети. Исто така, очигледно е дека тука нема место за политички критериуми, се смета само убавата поетска уметност.“

фото/видео: СВП

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.