Не стивнуваат реакциите во јавноста за начинот на поделба на средства од страна на Фондот за иновации, кои наместо во иновативни производи завршуваат во печатници на весници, објави Лидер.
Веднаш откако беа поделени средствата, стасаа и првите обвинувања за криминал на сметка на власта.
– Една равикана компјутерџиска фирма добила 10 милиони денари од Фондот за иновации за софтвер кој што го продаваат 10 години. И тоа, десктоп софтвер кој работи само локално и само Windows, напиша вчера на социјалната мрежа Твитер, братот на познатиот про владин колумнист Сашо Орданоски, Ванчо Орданоски.
На прашањето дали има докази за ваквите тврдења, тој напиша дека поголем доказ од листа од која се гледа како средства добиле фирми кои не иновирале, туку подметнале постоечки производи. Дополнително вели Орданоски постапката била нетранспарентна, без никакво известување и право на жалба. Тој додава дека има и сведоци, но истата работа не е јавна.
Орданоски ги повика сите одбиени да му се придружаат во поднесување на кривични пријави за злоупотреба на државни пари.
Буквално целата јавност се прашува што има иновативно во печатници или изадвачи на весници. Граѓаните низ социјалните мрежи обвинуваат дека всушност воопшто не била наградувана иновативноста.
Постојат сериозни индиции дека политичката определба имала пресудна улога во добивањето на милионските грантови. Лидер ги истражуваше дел од компаниите кои се јавуваат како добитници, и дојдоа до информации дека една од фирмите, печатницата „Софија“ од Богданци се јавува и како финансиер на СДСМ за време на локалните избори во 2017 година, со донација од над 1 милион и 400 илјади денари. За сега истата да добие 1 милион и 50 илјади денари.
Сопствениците на печатницата можеа да се забележат и на бината на партиските митинзи на СДСМ за време на локалните избори заедно со Зоран Заев и партискиот врв.
„Лидер“ веднаш по доделување на грантовите објави дека една од фирмите кои добила грантови е и весникот „Слободен печат“, каде главен и одговорен уредник е еден од најударните провладини колумнисти и новинари на Бранко Героски.
Лидер пишуваше дека во документот кој го објави Фондот за иновации, стои дека овој провладин весник парите ги добил за набавка на печатарска машина и производна хала. Пишуваше дека Фондот за иновации е институција која финансира иновации од страна на македонски иноватори, по што се поставува прашањето како тоа набавка на печатница може да биде прикажана како иновација?
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
