Речиси шест милиони долари наменети за борба против епидемијата на ебола во Западна Африка исчезнале преку измами, тврдат службеници на Меѓународниот комитет на Црвениот крст и Црвената полумесечина.
Според истите извори, при внатрешна истрага е откриен „веројатен таен договор“ меѓу банкарски службеници и поранешни соработници на Комитетот за измама, при што им се губи трагата на околку два милиони долари наменети за Сиера Леоне.
Во врска со овој случај Комитетот веќе започнал соработка со антикорупциската комисија на Сиера Леоне за „истражување и правна постапка против вмешаните лица“.
Во друга истрага е окриено дека при измами во кои се вклучени и вработени во гвинејската царина, биле „украдени“ најмалку еден милиони долари наменети за справување со еболата во Гвинеја.
Во уште неколку други истраги е утврдено исчезнување на уште околу три милиони долари од фондот за борба против еболата.
Во периодот од 2014 до 2016 година од ебола во неколку земји од Западна Африка починаа над 11.000 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
