Против Зоран Марјановиќ, единствениот осомничен за убиството на сопругата Јелена, подигнато е ново обвинение.
Обвинението е поднесено до Вишиот суд кој повторно ќе го достави на одговор на адвокатите на Марјановиќ, пред да реши дали ќе го потврди.
Портпаролката на обвинителството, Татјана Секулиќ прецизирала дека Марјановиќ е повторно обвинет за кривичното дело убиство, и тоа после сведочењето на неговата ќерка Јана.
Првото обвинение од 9 февруари, Вишиот суд на 20 март ја вратил на обвинителството и наложило да најде одредени докази заради подобро разјаснување на работите, а меѓу нив и да ја сослуша малолетната ќерка на Марјановиќ, што и беше направено на 21 јуни.
Со новото обвинение Марјановиќ се товари за истото кривично дело, тешко убиство за кое е предвидена казна од 10 до 40 години затвор.
Тој од апсењето во септемрви 2017 година се наоѓа во притвор поради вознемирување на јавноста, а притворот во вторникот повторно му е продложен за нови 30 дена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
