Сопругата на францускиот претседател Брижит Макрон ја опишала американската прва дама Меланија Трамп, по неодамнешната средба со неа, како „жена полна со радости со која многу се смеела“, но и како жена која во себе тоа го потиснува и која, од безбедносни причини, „не смее да отвори дури ни прозорец на Белата куќа“.
Француската прва дама рекла и дека Меланија Трамп ништо не може да прави од безбедносни причини.
– Таа не може да отвори прозорец на Белата куќа, бидејќи безбедносните служби реагираат и и велат веднаш да го затвори прозорецот. Не смее ни да ѕирне надвор – рекла Брижит Макрон.
Во интервјуто за парискиот весник „Монд“, таа рекла дека со Меланија Трамп, која ја опишала како љубезна, шармантна, интелигентна и многу отворена, делеле иста смисла за хумор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
