Струмичанец заработи кривична пријава за затајување на данок за пари заработени преку продажба на услуги на „Фејсбук“, каде заработил преку 20 илјади евра.
Како што соопштија од МВР, Секторот за внатрешни работи Струмица поднесе кривична пријава против Д.Д. (25) од Струмица поради постоење основи на сомнение за сторено кривично дело „даночно затајување’’.
Во текот на 2015 година пријавениот со продажба на услуги преку социјалната мрежа „Фејсбук” остварил приход од 1.260.511 денари, којшто го примил преку брз трансфер на пари, но за таа сума не платил данок во висина од 126.051 денари и за таа сума го оштетил буџетот на Република Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
