Калина Велевска е девојката по која се трага на Кајмакчалан

Дваесет и шестгодишната Калина Велевска е девојката на која вчера вечер заедно со уште едно момче и се губи трагата на грчката страна на планината Кајмакчалан.

Групата планинари меѓу кои биле Велевска и момчето чиј идентитет засега е непознат, ја преминале грчката граница. Кратко по тоа, планинарите забележале дека Велевска и момчето не се со нив по што веднаш пријавиле во полиција.

Според информации на А1он, лоциран е сигналот од нивните телфони во близина на караула. Од МВР велат дека не може да се потврди дали тие се живи.

Лошите временски услови на Кајмакчалан дополнително ја отежнуваат работата на спасувачките екипи, најавен е нов снег и бура. По исчезнатите се трага со хелихоптер, во акцијата се вклучени граничната полиција, Центарот за управување со кризи, а на помош се повикани и искусни алпинисти од горската служба.

Двете лица по кои се трага се членови на планинарското друштво „Трансверзалец“. Биле обучени за искачување на големи висини, а Велевска има и сертификат за водич.

извор:а1он.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.