Националната галерија на Македонија ќе реализира тематска изложба „Урбани документи: пејсаж-град-предел“, во Ликовниот салон во Велес. Селектираниот избор на дела на тема Урбан предел од богатата колекција на Националната галерија на Македонија е сочинет од слики на познати и афирмирани автори, меѓу кои Михајло Шојлев, Димитар Аврамовски Пандилов, Лазар Личеноски, Борко Лазески, Вангел Коџоман, Томо Владимирски и други.
Голем дел од истите за прв пат беа презентирани пред јавноста во Мала станица, Скопје, во септември 2017-та година. Ликовните дела интересни за ликовната публика, од аспект на историски и документарен карактер како сведоци на едно минато време, како и од ликовен аспект. Некои дела се со препознатливи мотиви, некој детал од Скопје, Битола, Охрид, Струга, Кратово, но и од Париз, Прага, Елбасан итн.
„Овие ликовни творби не се само обид објективно да се наслика еден град, туку тие истовремено претставуваат и обид да се разбере и да се долови духот на тој град и со ликовен јазик, да се пренесат неговите специфични особености, вели Елена Иванова, кустос во Национална галерија на Македонија и автор на изложбата.
На изложбата ќе бидат бидат презентирани 23 ликовни дела, од македонската збирка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
