Детали за страшната сообраќајка во која четири девојки се повредени, две потешко!

Четири девојки се повредени од кои две потешко во сообраќајната несреќа што се случила утринава во 03.50 часот на магистралниот пат Штип-Струмица кога патничко возило „БМВ“ со штипски регистарски ознаки излетало од патот.

Како што соопшти МВР, возилото управувано од Д.З. (21) од Штип откако излетало од патот удрило во две дрва кои се скршиле и паднале при што едното дрво паднало врз паркирано патничко возило „Пежо 206“ со кумановски регистарски ознаки, сопственост на Е.Ј. од Куманово.

– По незгодата, возачот и сопатничките М.Д. (19), М.П. (19), Т.Н. (18) и З.П. (19), сите од Штип, биле пренесени во Клиничка болница Штип каде им била укажана лекарска помош. Поради сериозноста на повредите М.Д. била пренесена во Комплексот клиники „Мајка Тереза“ во Скопје. Т.Н. со тешки телесни повреди била задржана на лекување во Клиничката болница Штип, како и З.П. и М.П., кај кои биле констатирани телесни повреди. Возачот Д.З. е задржан на испитување во болницата во Штип, наведуваат од МВР.

Увид на местото на настанот, по овластување на Јавен обвинител, извршила екипа од СВР Штип.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.