НДМ: По оставките во ДИК, Заев да го тргне и неморалниот министер за финансии

Народно движење за Македонија изрази задоволство од оставките на членовите на ДИК поради, како што велат, коруптивното и расипничко трошење народни пари. Од таму повикуваат дека во случајот со антинародните бонуси на членовите на ДИК не е доволна само нивна оставка, туку потребно е премиерот Заев да побара разрешување и на министерот за финансии.

– Според законот, токму Министерството за финансии води регистар на корисниците на буџетските средства, управува со финансиските средства од буџетот за што во негови рамки се основа и трезор кој води евиеденција на сите трансакции на приходите и трошоците на буџетот, ги анализира и оценува предлозите на буџетските корисници за средствата кои им се потребни за плати, а по усвојувањето на буџетот Мининистерството за финансии ги известува буџетските корисници за средствата што им се одобрени за плати, се наведува во соопштението на НДМ.

Оттука, како што се додава во соопштението, Министерството за финансии знаело практично сè за одобрените буџетски средства за редовни и дополнителни плати на ДИК како буџетски корисник и произлегува дека членовите на ДИК се полакомиле откако Министерството за финансии им ги дало парите за непотребно луксузирање врз грбот на даночните обврзници, што е длабоко неморален чин од министерот кој раководи со ова министерство.

Затоа, НДМ бара разрешување на министерот за финансии бидејќи вината не е само кај тие што краделе народен имот, туку и кај тие што им ја одобриле и дозволиле кражбата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.