Андрес Иниеста беше дел од промотивен настан на познатото каталонско пиво „Естрелја дам“, а за време на истиот, даде и ексклузивно интервју во кое говореше на различни теми поврзани за неговата играчка кариера, но и секојдневните шпекулации во фудбалот.
Најгласна во последно време е шпекулацијата за можниот трансфер на Нејмар во Реал Мадрид и огромната желба на Флорентино Перез да го доведе на „Сантијаго Бернабе“, а искрено мислење на оваа тема даде капитенот на Барселона кој признава дека едно вакво сценарио доста би го повредило.
– Не знам дали ќе се случи или не, се е можно во фудбалот. Во последно време невозможното стана возможжно во фудбалот. Како би го прифатил неговиот трансфер во Реал? Секако дека ќе бидам вознемирен и дека ќе ми пречи таков расплет, Нејмар е играч кој прави секогаш разлика на теренот и премногу би го засилил нашиот голем ривал. Сепак, во овој момент зборуваме само за хипотеза, такво нешто не се случило, порачува Иниеста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
