Пет македонски и шест бугарски текстилни компании ги презентираа своите производи во галеријата „Безистен“ во Штип во организација на македонскиот Текстилен кластер во соработка со Моден викенд Скопје.
Астибо
Станува збор за домашните компании „Астибо фешн груп“, „Амор-компани“, „Ист комерц-
Санда“, „Кули“ и „Ларс“, и бугарските: „Бода стајл“, „Витал“, „Пирос“, „Нов свет“, „Мартекс 2“ и „Валена“.
Амор
Пред ревиите публиката имаше можност да го види видео спотот „Одберете креативна професија! Бидете и вие дел од текстилната индустрија“ кој го изработи Текстилниот кластер со кој сакаат на новите генерации да им ги покажат перспективните страни на текстилната индустрија и потенцијалите за кариера во истата. Настанот е во рамките на пограничниот проект „Градење на интернационална конкурентност на текстилните компании во пограничниот регион МК-БГ‘‘ кој Текстилно Трговско Здружение –Текстилен кластер од Македонија го спроведува во партнерство со Браншовата организација за текстил и облека од Бугарија.
Санда
Проектот е финансиран од Европската унија преку ИНТЕРЕГ ИПА програмата за Погранична соработка помеѓу Македонија и Бугарија во соработка со „Моден викенд Скопје“, модната агенција „Подиум“, со поддршка од „Дом на млади – Штип“.
Ларс
Кули
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
