Покрај новите потпредседатели на СДСМ кои што вечерва ги објави партијата партиски извори брифираат дека меѓу десетината највлијателни луѓе во партијата во иднина ќе бидат и Есад Рахиќ кој што треба да ја раководи Скопската партиска организација за која претходно беше наведено дека е заспана, додека висока оперативна функција ќе добие и Ванчо Георгиев сопственик на фабриката Деликатес од Кочани и во два мандати пратеник во Собранието на РМ.
Според партиски извори одлуката на централниот Одбор на СДСМ дополнително ги вжештила односите меѓу новото раководство и приврзаниците на Црвенковски кои немаат целосна контрола на новите потпретседатели на партијата.
За Секретар за меѓународна соработка, Централниот одбор на СДСМ вечерва го избрал Јован Деспотовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
