Се вршат ископувања во локалитетот Јака чешма кај Неготино

Претставници на Музејот на Македонија и Градскиот музеј на Неготино, како и студенти и професори од Катедрата за археологија, ги истражуваат локалитетите на територијата на Неготино. Истражувачките работи се одвиваат на три локалитети: Мали Дол, Чаир Рид и Јака чешма, што само потврдува дека општина Неготино, а посебно атарот на селото Тремник, располага со огромно археолошко богатство што претставува предизвик за истражување од страна на стручната јавност.

Посебно атрактивен е локалитетот Јака чешма каде што е откриено постоење римски водовод, што според археолозите докажува дека на овој простор во минатото егзистирала елитна и многубројна населба.

Истражувањата се очекува да се одвиваат и во периодот од наредните два месеца, а целокупните активности се финансирани со средства од Министерството за култура и локалната самоуправа Неготино.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.