Законот за јазици помина на Влада: Полициските униформи ќе бидат двојазични

Законот за употребата на јазиците, со кој се унапредува користењето на албанскиот јазик помина на вечерашната владина седница.

Како што веќе објави „ТВ 24“ во него ги нема двојазичните банкноти, амблеми на војската ниту двојазичните хартии од вредност. За нив ќе решава венецијанската комисија и доколку добијат зелено светло, во понатамошната фаза ќе бидат вградени.

Сепак, во општините каде што Албанците се над 20 проценти униформите на полицијата, пожарникарите и здравствoто ќе бидат и на албански, а на банкнотите ќе стојат културни елементи на Албанците, но не текст на албански јазик.

Заев и Ахмети договориле двојазични амблеми на полицијата и војската (ФОТО)

И покрај несогласувањата на релација СДСМ – ДУИ, решението ќе биде пуштено цело на венецијанската комисија, Владата се обврзала да ги почитува нејзините препораки. Нешто што Владата го предвиде и во планот 3-6-9.

Законот во Собранието ќе влезе со европско знаменце, нешто за што вечерва се пофали на фејсбук и вицепремиерот за евроинтеграции Бујар Османи. Законот за албанскиот јазик е дел од колицискиот договор меѓу Зоран Заев и Али Ахмети.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.