Ракометната репрезентација на Македонија вечерва во 19 часот против Шпанија ќе го игра реваншниот дуел од баражот за пласман на СП 2013 во Србија. Мечот е само формалност по поразот од 21-27, пред неполна седмица во СРЦ „Кале“, и секако со оглед на квалитетот на противникот. Треба да се случи чудо за Македонија да патува на СП.
Шпанките важат за огромни фаворити и на реваншот на домашен терен, додека на избраничките на Гино Стрезовски е во овој меч без преголем притисок да покажат дека иднината на женскиот репрезентативен ракомет во Македонија воопшто не е толку црна. Проблем претставува повредата на Мирјета Бајрамовска, чие отсуство сериозно се почувствува и на првиот меч во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
