Машката кошаркарска репрезентација на Македонија ќе биде посилна за Ѓорѓи Чековски во претквалификациите за пласман СП 2019, откако кошаркарот на Работнички се согласил да дојде и да му помогне на националниот тим во овој циклус.
Селекторот Јорданчо Давитков неколку пати разговараше со искусниот кошаркар за негов камбек во репрезентацијата, а дека разговорите вродиле со плод потврди и директорот на националниот тим, Тодор Гечевски уште на првиот собир на националниот тим.
Според договорот помеѓу селекторот и кошаркарот Чековски треба во текот на оваа седмица да се приклучи на националниот тим, по што ќе отпатува со остатокот од селекцијата на подготовките во Маврово.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
