Никола Митревски го бранеше голот на македонската репрезентација во последната четвртина од дуелот со Чешка, одлично се надоврза на извонредната партија на Борко Ристовски и во целост ја оправда довербата на селекторот Раул Гонзалес. Со неколку сигурни одбрани им застана на пат на чешките ракометари во обид да се спасат од катастрофата, а како круна на мечот постигна и еден погодок на празниот гол на Чешка.
„Наплативме за претходните два големи порази во Чешка. Ова беше едно од нашите најдоминантни изданија, во секој сегмент од играта – напад, одбрана, транзиција…Мислам дека имаме уште сили, ова не е нашиот максимум. Во оваа репрезентација има уште простор за воигрување и верувам дека на Европското првенство во Хрватска ќе се претставиме во уште подобро светло“ – вели Никола Митревски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
