Најдобриот млад фудбалер во светот Килијан Мбапе се почесто знае да размрда фудбалската јавност со своите потези кои дефинитивно не се карактеристични за момче кое има само 18 години, а популарноста во изминативе шест месеци го направија до толку славен и познат што сега е дефинитивно најбаран фудбалер на трансфер пазарот.
Монако ќе има исклучителна тешка задача да го задржи својот „бисер“ за кој заинтересирани се сите големи клубови од Премиер лигата, како и Реал Мадрид и Барселона, но додека секојдневно се појавуваат нови шпекулации за тоа каде ќе заврши ова лето, Мбапе се реши да одговори во тинејџерски стил и да ги изненади медиумите.
Мбапе објави фотографија на својот Инстаграм профил со промена на изгледот, а под истата напиша дека со овој изглед и официјално го стартува одморот по напорната сезона.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
