Во мултимедијалниот културен центар „Матица ексклузив“ денеска (четврток) во 12 часот ќе биде отворена изложба на цртежи од Павле Кузмановски.
Пред љубителите на уметноста, познатиот македонски сликар ќе презентира триесет цртежи, работени по мотиви од поетската книга „Устата на јавето“ од Раде Силјан.
За најновите остварувања на македонски сликар ќе говорат Паскал Гилевски и Климе Коробар.
Павле Кузмановски (Тетово,1939) спаѓа во редот на најзначајните македонски сликари. Во изминатите пет децении творечка дејност организирал педесеттина самостојни изложби во Република Македонија и во странство, а учествувал на над двеста и педесет групни изложби.
Добитник е на престижни национални и меѓународни признанија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
