Ликовната уметница Гордана Винчиќ деновиве престојува во Мароко каде е дел од големата група уметници кои творат на тема „Боите на Африка“. Настанот се случува во градот Сетет, на 40 километри од Казабланка.
-Изложбата „Боите на Африка“ е организирана од страна на уметничката асоцијација „Tamessna des Beaux Arts“ и општината на градот Сетет, не информираше Винчиќ.
Гордана со уште три уметници од Шпанија се единствените учеснички од Европа на колонијата во која учествуваа педесет уметници од Африка.
-Дојдовме во Мароко на покана од организиаторот Јахја Ел Махзуз, кој воедно е професор по ликовна уметност во градот Сетет каде што се одржува колонијата. Покрај учеството во изложбата имавме и организирана работилница каде споделивме искуства и учевме техники на сликање и на работа еден од друг, ни рече Винчиќ.
„Боите на Африка почна на 19 мај, а ќе трае до 28 мај.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
