Претседателот на ВМРО-ДПМНЕ Никола Груевски истакна дека и да сакаат не можат да го признаат Талат Џафери за претседател на Собранието бидејќи, како што рече, човекот е „избран“ насила со кршење на Уставот, кршење на Законот, кршење на Деловникот на Собранието, вон сите правила и процедури.
– Тој е во моментов, а веројатно така ќе остане и понатаму узурпатор на позицијата претседател на Собранието. Тој за нас може да биде само пратеник, тука е избран легитимно од граѓаните и ние тоа не го оспоруваме. Но, претседател на Собрание не може да биде наречен затоа што е избран на целосно незаконски, неуставен и неделовнички начин, изјави Груевски по увидот на градежните активности на Градскиот стадион Филип Втори во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
