35-годишниот Ибрахимовиќ заработи оштетување на вкрстените лигаменти на мечот со Андерлехт, повреда поради која го пропушта преостанатиот дел од сезоната а се стравуваше дека можеби тоа е и крај на неговата кариера.
Неговиот агент, Мино Раиола потврди дека Ибра е успешно опериран и кога ќе се рехабилитира ќе продолжи да игра фудбал.
„Златан Ибрахимовиќ имаше успешна операција на коленото. Тој ќе се врати комплетно, повредата не значи крај на неговата кариера“ – вели Раиола и додава дека Златан е на рехабилитација под надзор на лекарите кои го оперирале.
„Тој и медицинскиот тим не се достапни за интервјуа во моментов. Дополнителни информации ќе следуваат“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
