Животот е полн со убави моменти, но се случуваат и оние во кои човекот го обзема неизлечива болка поради загубата на саканата личност. Овие ѕвезди ја почувствувале една најгрозоморните болки – онаа поради загубата на детето.
Ерик Клептон
Четиригодишниот син на Ерик Клептон загинал во 1990 година кога паднал од 53-тиот кат на облакодер. Конор бил пронајден во црвени пижами и влечки, а паднал потпирајќи се на отворениот прозорец на спалната соба на станот во кој живеел со мајката Лора дел Санто. Ерик му посвети една од најубавите балади – „Tears in Heaven“.
Силвестер Сталоне
Најстариот син на Силвестер Сталоне, Сејџ, бил пронајден мртов во својот дом во Лос Анџелес во 2012 година. Покрај него биле празни шишенца од разни лекови, а подоцна било откриено дека имал проблеми со срцето и дека починал од инфаркт. Имал 36 години.
Оваа трагедија многу го потресло целото семејство на легендарниот актер, а болката шест недели подоцна станала уште поголема кога неговата полусестра умрела од рак на белите дробови.
Мајк Тајсон
Ексодус, четиригодишната ќерка на боксерот Мајк Тајсон, страдала во мај 2009 година. Починала во болницата откако, додека си играла, околу вратот ѝ се обвиткало јажето од справата за трчање. Малата Ексодус обесена за јажето од движечката лента ја пронашол нејзиниот седумгодишен брат Мигуел.
Џон Траволта
Голема трагедија доживеал и славниот актер Џон Траволта. Најстарото дете на Траволта и неговата сопруга Кели Престон, Џет, кое имало аутизам, често имало напади, а еден таков напад доживеал додека се капел во кадата во семејната куќа на Бахамите. Џет удрил со главата во работ на кадата, а лекарите само можеле да ја прогласат неговата смрт. Имал 16 години.
Миа Фароу
Со загуба не само на едното дете, се соочила и актерката Миа Фароу, чијашто посвоена ќерка Ларк Превин умрела на Божик во 2008 година. Причината за нејзината смрт никогаш не е официјално објавена, а во медиумите пристигнал и податокот дека Ларкс десет години се лекувала од сида, која ја добила од заразена игла во студио за тетоважи. Само осум години порано, Миа ја изгубила и ќерката Там, која на само 19 години умрела поради проблеми со срцето.
Бил Козби
Синот на славниот комичар Бил Козби, Енис Вилијам Козби, е убиен во 1997 година.
Боб Гелдоф
Ќерката на музичарот Боб Гелдоф починала од предозирање со хероин во април 2014 година на 26-годишна возраст. Историјата се повтори, бидејќи и нејзината мајка Пола Јетс исто така починала од предозирање со хероин 14 години порано. Пичес со години се борела со зависноста, а во 2008 година морале и да ја оживуваат откако престанала да дише. Зад себе остави две деца.
Пирс Броснан
Личните трагедии што му се случиле на Пирс Броснан драстично го промениле неговиот поглед на живот. Неговата сопруга Касандра починала во 1991 година од рак на јајчниците, а 22 години подоцна (2013) од истата болест умрела и неговата ќерка Шарлот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
