Цело село се крена на нозе за фудбалски натпревар што коже да му донесе историска шампионска титула на Хоризонт Турново. Противник е актуелниот првак Вардар, најтрофејниот клуб во Македонија, а битката, се разбира фудбалска ќе се води на националната арена „Филип Втори“ во Скопје.
Вардар има два бода повеќе од конкурентот и му одговара и реми, но шампионите велат дека ги интересира само победа за седма титула во Македонија, осма ако се смета и таа од сезоната 1986/87 година во поранешна Југославија.
Вардар е фаворит, ќе игра пред своите симпатизери, има поголем буџет и подобро платени фудбалери, но и Турново не е за потценување. Балдовалиев, Блажевски, Мојсов и останатите играчи на Хоризонт, се вистински хит во македонското првенство. Утре ќе ја имаат подршката од своите навивачи, а еуфорична атмосфера владее на Југоистокот од Македонија. Гостите најавија дека ќе допатуваат 4-5 авотобуси со навивачи од Турново, место со 1300 жители, од кои половината се на печалба.
Интерес има и од околните села, па интересно е дека се организираат пунктови од кои ќе се патува за Скопје. Турново, Секирник, Просениково, па и Струмица, ќе се обединат денеска во обид да му помогнат на Хоризонт да ја совои титулата. Ќе биде ли обоена во „сино“ на радост на турновци, или ќе слават симпатизерите на „црвено-црната“ боја, ќе се знае некаде околу 19 часот. Натпреварот почнува во 17 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
