Зошто Шиповиќ вчера ја поднесе, а денеска ја повлече оставката: Дали Жерновски го уцени со бомбите на Заев?

Претседавачот на Советот на општина Центар, Мирослав Шиповиќ, по нецели 24 часа откако ја поднесе оставката, ја повлече. Шиповиќ ја најави својата оставка првично од лични причини, а потоа изјави дека причините се основани од лошата комуникација со градоначалникот на општина Центар.
Иако за денеска најави прес-конференција на која ќе се разговара за оставката, по консултација со градоначалникот на Центар, Андреј Жерновски, претседателот на Советот ги повлече точките од дневен ред, со што ја повлече и својата претходно објавена оставка.
На денешната седница на Советот на општина Центар на дневен ред беа две точки – констатирање на оставката на претседателот на Совет на општина Центар, Мирослав Шиповиќ, а втората избор на нов претседавач.
Индикативно е што Шиповиќ, кој извесно време е во отворен судир со градоначалникот Жерновски, по само десетминутни консултации ја менува одлуката. Тоа остава простор да се постави прашањето со што го држи Жерновски Шиповиќ и која е цената што ја платил претседателот на Советот на општина Центар за да го замолчи осилениот градоначалник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.