По триумфот во Вадуц против Лихтенштајн од 3:0 во натпревар од 5. коло од квалификациите за СП 2018 во Русија, А репрезентација на Македонија ги продолжува подготовките за контролниот натпревар против Белорусија на 28. март (вторник) во 18:00 часот на Националната арена во Скопје.
Селекторот на нашата најдобра репрезентација Игор Ангеловски за пресметката против Белорусија во составот на Македонија го повика Дарко Чурлинов. Доколку добие шанса за настап против Белорусија фудбалерот на германски Келн ќе стане најмладиот репрезентативец со 16 години и осум месеци.
Против Белорусија во комбинација за настап ќе биде и Езџан Алиоски кој поради жолти картони немаше право на настап на натпреварот против Лихтенштајн.
По настапот за сениорската репрезентација во Вадуц, на репрезентативниот тим до 21 година се приклучуваат и шестте фудбалери кои беа на располагање на Игор Ангеловски, голманот Игор Алексовски, Дарко Велковски, Бобан Николов, Давид Бабунски, Никола Ѓорѓев и Марјан Радески.
Македонската репрезентација денеска ќе тренира на тренинг центарот „Петар Милошевски“ во 17:00 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Заврши заложничката драма во Келн: Осомничениот е повреден
-
Две лица загинати од петарди и неколку случаи на сексуално вознемирување е билансот од новогодишната ноќ во Германија
-
Берлин годинава воведува „безбедна зона“ за жените на Новогодишната ноќ
-
МРТВ повеќе нема да ги пренесува натпреварите на македонската фудбалската репрезентација?
