Заврши заложничката драма во Келн: Осомничениот е повреден

Заврши драмата на главната железнинчка станица во Келн, кога германската полиција го уапси мажот кој држеше жена како заложник.

Портпаролот на полицијата, Кристоф Шулте рече дека полицајците влетале во аптеката каде биле мажот и неговата заложничка.

Се наведува дека киднаперот е повреден, но не е прецизирано за каква повреда станува збор.

„Осомничениот е под контрола“, објави полицијата од Келн на „Твитер“, додавајќи дека жената е ослободена.

Полицијата наведе дека жената се здобила со полесни повреди, пренесе „Ројтерс“.

Драмата започна во 12:45 часот. Целата железничка станица, една од најголемите во Германија, беше евакуирана и затворена, како и плоштадот зад станицата.

Зад железничката станица беа распоредени вооружани полицајци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.