Еден од најпознатите светски тренери на денешнината и поранешен селектор на Аргентина, Марсело Биелса, ја прифати понудата на Лил и од следната сезона ќе биде предводник на францускиот прволигаш.
Легендарниот Аргентинец веќе од минатото лето е без клуб, откако по само неколку седмици го напушти Лацио поради недоволна ангажираност на челниците во трансфер-пазарот, а од слична причина си замина и од Олимпик Марсеј, каде што беше прв тренер една сезона.
Биелса својот најголем тренерски успех го имаше во Атлетик Билбао, со кого играше и финале на Лигата на Европа, а во Лил ќе го наследи повремениот тренер на тимот Франк Пасие, кој на чело на тимот застана минатиот месец како замена на Патрик Коло, кој доби отказ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
„Прозарт Медиа“ објави дела од врвни аргентински автори: „Разузнавачки извештаи“ и „Свињите“ на македонски јазик
-
Хрватскиот селектор: Ако станеме светски прваци, никој нема да работи до септември!
-
Табарез повеќе не е селектор на Уругвај
-
Прва сезнација на фудбалското СП: Аргентина ремизираше со Исланд, Меси промаши пенал
