Екипата на Загреб на двојното гостување во Скопје, денеска против Металург во СЕХА и в сабота против Вардар во ЛШ, ќе настапи без десниот бек Лука Шебетиќ. Хрватскиот репрезентативец во дресот на Загреб се повредил на малку необичен начин. Според пишувањето на хрватските медиуми, Шебетиќ во понеделникот тренирал нормално, но во вторникот наутро се разбудил со неподносливи болки во коленото, а дијагнозата е оштетување на менискусот и ќе мора да оди на операција.
По повредата на Шебетиќ, тренерот Силвио Ивандија на десната бековска позиција на располагање ќе го има само уште Давид Миклавчиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
