Машката кугларска репрезентација на Македонија, го освои сребрениот медал на Светското првенство во Залаегершег, Унгарија. По фантастичната победа над Србија со предност од само 4 кегли, и влезот во финалето, нашите куглари ги одмерија силите со домашната селекција на Унгарија и беа поразени, со 4012 – 3809 соборени кегли.
Унгарците покажаа надмоќ во финалето победувајќи во сите шест поединечни дуели, но, сепак, ова е голем успех за македонската кугларска репрезентација.
Во финалето боите на Македонија ги бранеа Дамир Фучкар, Урош Штоклас, Александар Соколовски, Борис Бенедик, Бојан Влаќевски и Сашо Трпковски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
