Карпош соколи во Јадранското натпреварување не знае за пораз кога станува збор за натпреварите кои ги игра во Скопје. Вториот македонски претставник во регионалната АБА лига ја запиша и седмата победа по ред на домашен терен против градскиот ривал МЗТ Скопје.
Избраниците на Драган Николиќ не дозволија „металците“ да ја запишат првата победа на гости и со одлична одбрана во последните две минути го одлучија победникот.
Еден од најзаслужните за победата беше репрезентативецот на Македонија Бојан Трајковски кој оствари дабл-дабл ефект од 17 поени и 12 скокови. Благодарение на одличната партија, македонскиот репрезентативец се најде во идеалната петорка на изминатото 19. коло во АБА лигата.
Најкорисен играч е Антабија Валер од Морнар кој имаше индекс на ефикасност од 34 на антпреварот против Будуќност. Матиц Ребец од Крка имаше најмногу асистенции во изминатото коло (9), а најуспешен крадец е Огњен Кузмиќ од Црвена звезда со пет украдени топки.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
