Мики Пецов го фати крстот во Кочанска река

Мики Пецов прв стигна до крстот во Кочанска река што беше положен денеска по повод Водици.

– Среќен сум што годинава јасо го извадив крстот од осветените води на Кочанска река. Очекувам годинава да ме прати среќа, да имам успех во животот и учењето, а среќа да имаме и дома, заедно со родителите, изјави Пецов кој е од Кочани и првпат го фаќа светиот богојавленски крст.

Пецов доби ЛЦД телевизор од компанијата Зегин, златник од градоначалникот Ратко Димитровски и Библија од црковниот храм „Св.Великомаченик Горги“ од Кочани.

За фаќање на крстот во Кочани се пријавија триесетина млади. Поздравувајки ги верниците кои присиствуваа на богојавленската свеченост, митрополитот Брегалнички г. Иларион им посака добро здравје, берикет и успех во живот.

Богојавленски крст се потопуваше и во водите на Зрновска река, во општина Зрновци, како и во река Брегалница кај село Теранци во општина Чешиново Облешево.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.