Еден од најдобрите фудбалери на сите времиња, бразилскиот ас Роналдињо, во наредните неколку денови би можел да стане нов фудбалер на уругвајски Национал. Преговорите траат веќе 20 дена, а сето ова го потврди и првиот човек на клубот, Жозе Луис Родригез.
– Знаеме дека е тешко да стигнеме до неговиот потпис, но ние сме упорни и веќе 20 дена течат преговорите. Иако во последните 15 месеци играше само пријателски натпревари, Роналдињо е голем мајстор на оваа игра, и доколку ни стигне договорената помош од спонзорите се надевам дека за брзо ќе биде наш фудбалер – изјави Родригез.
Легендата на фудбалската игра зад себе има богата кариера. Покрај многу бразилски екипи за кои настапувал, во Европа блескаше во дресовите на ПСЖ, Барселона и Милан, а во моментите кога го носеше дресот на каталонскиот клуб двапати беше прогласен за најдобар играч на планетата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
