Пристигнуваат информации од Градот Скопје и од општините дека улиците се расчистуваат, службите работат на терен и улиците се проодни. Но, сообраќајот во Центар не се одвива по чисти улици. Засега нема информации дека општината Центар се грижи за бзбедноста на своите жители, а и фотографиите од Дебар Маало сведочат дека скапите боемски улици не се гледаат од натрупаниот снег.
Пред околу еден час на Фејсбук профилот на центарскиот градоначалник Андреј Женовски беше објавена информација дека снегот во Центар се чисти нонстоп, до 8 часот фрлени 14 тони сол.
Сепак, жителите на Центар се револтирани и објавуваат фотографии на кои се гледа на терен не се работи. Коментираат дека новите машини што ги промовира Жерновски се навистина нови и извадени на улица само за сликање.
Екипите на општина Центар од раните утрински часови излегоа на терен и го чистат снегот по улиците и тротоарите, кои се во надлежност на општината. На улиците оперираат четири специјални возила-камиони и тоа соларки со нож и соларка за чистење на снег. На приоритетните места се вклучува и специјална машина за рачно чистење на голомразни површини .
Утрово, од 3 часот до 8 часот фрлени се 14 тони сол.
Нема застој на сообраќајот по улиците и граѓаните можат нормално да се движат. Екипите ќе работат нон-стоп додека налагаат временските услови.
Општината има набавено 250 тони сол и има ангажирано фирма за одржување на коловозите и тротоарите во зимски услови на улиците .
Општина Центар ги известува сите сопственици, односно корисници на јавни објекти, веднаш да започнат со чистење на снегот на отворените простори пред јавните објекти, со што ќе се обезбеди непречен пристап до објектите, стои во соопштението на профилот на Жерновски.
Жителите го повикуваат да влезе во Маџир Маало, во Дебар Маало, а потоа да каже дали навистина граѓаните можат слободно да се движат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
