Корини: Несторовски е нашиот лидер, а Трајковски покажа колку е значаен

Новиот предводник на италијанскиот калчолигаш Палермо, Еугенио Корини, има само пофални зборови за репрезентативецот на Македонија, Илија Несторовски.

– Досега разговаравме за Несторовски како за врвен стрелец, но ете против Џенова не постигна гол а повторно беше најдобриот на терен, најазаслужен за нашата победа. Тоа веќе докажува дека е играч кој може во континуитет да игра на врвно ниво. Тој е нашиот лидер, за одлучувачкиот гол на Трајковски беше феноменален, наша моторна сила. Кога го гледате како се бори за време на сите 90 минути, колку е мотивиран за време на мечот, тоа им дава сила и на сите останати играчи да дадат се од себе. Несторовски има неверојатно силна ментална подготвеност, пренесува енергија на сите соиграчи, изјави Корини.

По пауза од неколку месеци на зелениот терен се врати и репрезентативниот колега на Несторовски, Александар Трајковски, кој го постигна победничкиот погодок во првенствениот дуел против екипата на Џенова.

– Трајковски веднаш покажа колку е значаен за Палермо. Постигна убав погодок. Се уште треба полека да се враќа, по онаа долга пауза, но јасно е дека од него може да очекуваме одлични изданија до крајот на сезонава, додаде Корини.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.