Македонскиот претставник во регионалната ракометна лига за жени, Металург, не успеа да се закити со титулата, по поразот во финалето со 16-30 од апсолутниот фаворит на турнирот Будуќност. Црногорките беа пресилни во финалето во Тиват и ја одбранија титулата.
Натпреварот беше одлучен уште по првиот дел кога ракометарките од Подгорица водеа со 20-8. Во второто полувреме беше поизрамнето, а и тој дел го добија шампионките од Црна Гора со 10-8, па македонската интернационалка во Будуќност, Елена Георгиевска, се радува на шампионскиот пехар.
Клара Волтеринг на голот на тимот од Подгорица бранеше извонредно со 15 одбрани, а Милена Кнежевиќ беше најефикасна со осум постигнати погодоци. Во редовите на ЖРК Металург се истакна Соња Башиќ со седум гола.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
