Фудбалерот кој ја преживеа страшната авионска несреќа би сакал повторно да го облече дресот на својот Чапекоенсе. Дефанзивецот Нето само дваесет дена по несреќата се качи на авион и се врати назад во градот погоден од големата трагедија.
– Летот мина со мали болки, но тоа беше и очекувано. Важно е дека состојбата не му се влоши и ситуацијата ја држиме под контрола. Нето доживеа огромна физичка траума, но онаа психолошката е уште поголема. Мораме да бидеме внимателни поради повредите што ги гледаме, но и оние кои се невидливи, односно од психолошка природа. На Нето му е потребна голема поддршка, речиси сите негови соиграчи ги загубија животите во трагичната несреќа – изјави докторот Едсон Стаконски, кој се грижи за здравјето на фудбалерот по неговото доаѓање назад во Бразил.
Тој не ја отфрли ниту можноста Нето повторно да се врати на фудбалските терени, откривајќи дека тоа е желба на самиот играч.
– Дали ќе се врати на теренот? Тој сака да игра фудбал повторно и тоа е многу добро во целата ситуација. Шанса за такво нешто дефинитивно постои, но не би сакал уште сега да давам било какви прогнози – истакна Стаконски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
