Тешко е да се замисли Меси во друг клуб освен Барселона, но во деновите кога тој се пробиваше во првиот тим на Барса бил многу блиску до напуштање на клубот. Во интервју за италијанското радио Кис-Кис, легендата на Интер, Луис Суарез – Луизито, потврдил дека аргентинскиот фудбалски магионичар, во времето кога тренер на Барселона бил Франк Рајкард, бил спремен да ги напушти Каталонците.
– Можевме да го доведеме кога тие го имаа Деко, Роналдињо и Ето. Уште го чувам преддоговорот кој го потпишав со Интер, открил Луизито.
Во тоа време и тимот на Интер имаше силен состав со играчи како Адиано, Камбијасо, Станковиќ и Кили Гонзалес, а трансферот на Меси во италијанскиот гигант никогаш не се оствари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
