Во новата програма се предвидуваат уште многу проекти. Се предвидува дека невработеноста ќе продолжи да опаѓа и од сегашните 24 отсто ќе се спушти помеѓу 17 и 18 проценти за 4 години, а ќе се отворат нови 70.000 работни места во Македонија.
Ова го најави лидерот на ВМРО-ДПМНЕ Никола Груевски и носител на кандидатската листата во четвртата изборна единица на вечерашниот митинг во Велес.
-Пензиите и платите во јавниот сектор ќе пораснат за 10,25 отсто, социјалната помош во 4-годишниот период ќе порасне за 50 отсто, а минималнита плата до 14.000 денари, во делот на кожарската и текстилната до 13.500 денари до 2020.
Подвлече и дека ќе се завршат започнатите градби на 3 автопати.
-Но ќе се започнат градби на уште 3 нови автопати во Македонија- од Гостивар до Кичево, од Скопје до Блаце и од Требениште до Струга.
Се предвидуваат нови 600 милиони евра за земјоделците, воведување на професионален земјоделски советник, како и други проекти кои ќе бидат од помош на земјоделството.
Модернизација на средното -стручно образование, градба на 18 нови и реконструкција на 140 училишта, нови 78 спортски сали, се само дел од проектите кои се предвидени во програмата „Реално“ од над 500 страни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
