Довербата од граѓаните ние ја базираме на проекти и реализирани ветувања. Таа доверба е цврста затоа што и делата кои ги направивме се реални. Ние за разлика од нашите конкуренти најважна преокупација ни се проектите, а не апстрактните поими кои ни тие самите не ги разбираат, изјави на митингот во Македонски брод лидерот на ВМРО-ДПМНЕ, Никола Груевски.
-За да се ветува нешто потребно е да се има кредибилитет. И секако тука запрашајте се, кој навистина има реализирано проекти, кој навистина решава проблеми, кој навистина носи инвестиции. ВМРО или СДСМ. Луѓето кои донеле инвестиција понудиле решенија тоа верувајте повторно ќе го прават, но луѓето од СДСМ кои ја изгубиле вашата доверба, кои не направиле ништо а имале можност, кои не донеле една единствена инвестиција, нема тоа да го направат сега. Тоа се истите луѓе. Нивниот предводник 11 и пол години е градоначалник на Струмица, една фабрика во Струмица нема донесено, а камоли во Македонски Брод да ви донесе, што да ви кажам понатаму. Човекот не може во неговата општина една компанија да донесе од на отвори, 1000, 500, 300, колку било работни места, а да очекуваме дека ќе донесе и во Брод, во Каменица, во Кичево или било каде, таа работа нема да ја видите, рече Груевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
