Жителите на општина Центар ја добија програмата „Имаме план за живот во Македонија“. Околу 18 часот на влезните врати на центарци скришум им беше оставен материјалот преку кој ќе треба да се запознаат со програмата на СДСМ, запалка и секако пенкало со кое треба да го заокружат бројот 4 на гласачкото ливче.
Што добија центарци во ќесето закачено на брава: два флаера, пенкало, запалка.
СДСМ дури избегна да се соочи со граѓаните, да им погледне во очи и да им вети програма, подобар живот, како што пишува на ливчињата.
Она што за СДСМ е програма, за народот е флаер, ливче, а планот за Македонија народот веќе го вика „кланот на Заев“.
Набрзина начрктани зборови, испечатени на ливчиња е програмата на СДСМ. Несериозна работа, направена принудно, на дваесетина страници, на кои не знаеле што да стават, па ги пополниле со проекти на ВМРО-ДПМНЕ, рече Груевски за планот за живот што го нуди Заев, а со кој се сретбаа денеска и центарци во обраќањето пред илјадниците стружани на митингот што се одржа вечерва.
Најважно е што во тој памфлет не знаеле што да стават, па пополниле со некои наши проекти кои се веќе реализирани. Но, и некои работи кои мислеле дека звучат добро, но не само што не им се обмислени туку не ни кажуваат како ќе го направат тоа.
На граѓаните не им е потребно пенкало за да го заокружат бројот 4 на гласачкото ливче, тие одамна го пречкртале.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
