Хан во Косово: Без границата со Црна Гора, нема визна либерализација

Доколку Приштина не го одобри договорот за демаркација на границата со Црна Гора, не може да добие визна либерализација за патување на косовските граѓани во земјите од ЕУ, порача денеска еврокомесарот за проширување Јоханес Хан по посетата на Косово.

Тој истакна дека „политичката поларизација“ на Косово негативно влијае врз патот на земјата кон интеграција во ЕУ.

Опозициските пратеници во косовскиот Парламент, кои се против договорот, ја спречуваа работата на законадавниот дом користејќи, меѓу другото, солзавец, свирчиња и шишиња со вода.

Косово минатата година потпиша Договор за стабилизација и асоцијација со ЕУ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.