Миколи: Несторовски наликува на Инзаги, му требаат само употребливи топки

Поранешниот капитен на Палермо, Фабрицио Миколи говореше за моменталната ситуација на екипата, а посебно го истакна нашиот Илија Несторовски. Македонскиот напаѓач доби споредба со големиот Филипо Инзаги, еден од најдобрите напаѓачи во историјата на Серија А.

– Колку што можам да заклучам од досегашните игри, тој е сличен на Инзаги. Има одлично чувство за гол и затоа мора добро да биде пронајден во шеснаесетникот. Овој аспект за напаѓачи како него е многу важен. Доколку ги добие потребните топки, Несторовски ќе даде многу за овој Палермо – изјави 37-годишниот Миколи.

Италијанскиот напаѓач помина добри шест години во екипата на Палермо, за која одигра 165 официјални натпревари и постигна 74 гола. Овие зборови од легендата на екипата би можеле да донесат дополнителна мотивација кај нашиот Несторовски, кој е водечка сила на сицилијанската екипа во лошиот старт на сезоната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.