Кошаркарскиот шампион МЗТ Скопје Аеродром денес ја почна продажбата на влезниците за средбата против Карпош Соколи, закажана за 23 октомври (недела) во салата „Јане Сандански“ со почеток во 17.00 часот, а во рамки на 6. коло од АБА-лигата.
Цената на билетот за првото македонско дерби во регионалното натпреварување изнесува 100 денари и истиот веќе може да се купи на билетарницата при спортскиот центар „Јане Сандански“, како и електронски преку интернет-страницата ticketplus.mk.
Овој меч со сигурност ќе претставува прва победа за една македонска екипа во регионалното натпреварување бидејќи и МЗТ Скопје и Карпош Соколи ги загубија првите пет натпревари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
