Светскиот рекет број еден, Новак Ѓоковиќ повика на „еволуција“ на тенисот во машка конкуренција, откако женскиот дел веќе размислува нов формат на игра. Србинот вели дека различните формати на резултати би значеле олеснување за гледачите покрај малите екрани.
– Сите спортови се обидуваат да стигнат до највисокото можно ниво за да го исполнат цел свој потенцијал. Тенисот е на добро место моментално, но сепак мора да се работи на исполнување на максимумот од потенцијалот кој го поседува. Треба да се разгледаат новите правила за да им се даде шанса. Сите ние мораме да работиме за да ја постигнеме зацртаната цел, бидејќи останатите спортови веќе се движат во таа насока – вели 29-годишниот тенисер.
Србинот се врати на терените по подолга пауза и успешно игра на АТП турнирот во Шангај, каде во полуфиналето ќе игра против Роберто Баутиста Агут.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
