Швајцарскиот тенисер Роџер Федерер, по синоќешната победа над Кевин Андерсон се избори за полуфинале на Мастерсот во Лондон и можноста да стигне до стотиот трофеј во неговата кариера.
Сепак, Швајцарецот смета дека се додека Новак Ѓоковиќ е во игра, тешко ќе биде да се дојде до целта.
– Се обидувам да се фокусирам на полуфиналниот меч. Првин треба да се добие полуфиналето, а потоа да се размислува за трофејот. Се уште не се знае мојот следен противник. Како и да е, сигурно е дека Новак ќе игра во полуфиналето, а кога тој е во конкуренција, тежок е патот до трофејот. Далеку е 100-та титула, изјави Федерер.
На Мастерсот во Лондон денеска на програмата се мечевите од третото коло во А-групата по кои ќе бидат познати полуфиналните двојки.
Досега место меѓу четирите најдобри обезбедија Федерер, Андерсон и Ѓоковиќ, а за последното место конкурираат Зверев и Чилиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
